बागलुङ /नेपाली कांग्रेसको आज ११ जिल्लामा वडा अधिवेशन हुदैछ। बागलुङसहितका ११ जिल्लामा वडा अधिबेशन हुँदै गरेको कांग्रेसले जनाएको छ । केन्द्रीय निर्वाचन समितिको अनुसार आज बागलुङ सुनसरी, नुवाकोट, धादिङ, चितवन, ललितपुर, पाल्पा, नवलपुर, सल्यान, मुगु र बैतडीमा वडा अधिवेशन हुनेछ। हिजो साँझ सम्ममा ३८ जिल्लामा अधिवेशन सम्पन्न भएको निर्वाचन समितीले जनाएको छ।
कांग्रेस क्रियाशील सदस्यता नामावली प्रकाशित भइसकेका ५६ जिल्लामध्ये ३८ जिल्लामा वडा अधिवेशन सम्पन्न हुँदा अधिकांश वडामा सर्वसम्मत र केहीमा मतदानमार्फत वडा कार्यसमिति र क्षेत्रीय प्रतिनिधि चयन भएका छन् ।
भोलि गुल्मी, रोल्पा, प्युठान, कालीकोट र दार्चुला तथा भदौ २३ गते पर्सि रुकुमपूर्व र रुकुमपश्चिममा अधिवेशन गर्ने तालिका छ ।
