पोखरा/ पतंजली योग समिति गण्डकी प्रदेश, कास्की जिल्ला समिति, महिला योग समिति कास्कीको आयोजनामा सहशिक्षक तालिममा सहभागीलाई शुक्रबार प्रमाणपत्र प्रदान गरिएको छ ।
कार्यक्रमकी प्रमुख अतिथि पतंजली योग समिति कास्कीकी पूर्वमहामन्त्री तथा गण्डकी प्रदेश सांसद मिना गुरुङले सहभागीलाई प्रमाणपत्र वितरण गरिन् । उनले योगले जीवनलाई उर्जावान बनाउने धारणा राखिन् ।
गण्डकी प्रदेश संरक्षक लोकदर्शन कोइरालाले सबै उमेर समूहका व्यक्तिहरुले नियमित योग गर्नुपर्नेमा जोड दिए ।
कास्की जिल्ला अध्यक्ष कृष्णप्रसाद पौडेल तथा महिला योग समिति अध्यक्ष उर्मिला तुलाचनले साधना नै योग भएको बताए ।
जुममार्फत् सम्पन्न प्रशिक्षण तालिममा काठमाडौ, लमजुङ, पर्वत,तनहुँ,स्याङ्जलगायतका जिल्लाका १ सयजनाले सहभागिता जनाएका थिए ।
पतंजली योग समिति गण्डकी प्रदेश प्रभारी नरेन्द्रमान लालचनको अध्यक्षतामा भएको कार्यक्रम कास्कीका महामन्त्री प्रकाश बास्तोलाले पनि बोलेका थिए ।
