गोरखा/ नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल प्रचण्डले जेसिजले युवाहरुको नेतृत्व क्षमताको लागि खेलेको भूमिका महत्वपूर्ण रहेको बताएका छन् ।
जेसिजको शुक्रबार गोरखामा भएको क्षेत्र ख सम्मेलनको क्रममा उनले सामाजिक रुपमान्तरण,अनुशासित नेतृत्व प्रणाली निर्माण,आर्थिक विकास र राजनितिक स्थायित्वमा जेसिजले योगदान दिएको बताएका हुन् । गोरखा जिल्ला ऐतिहासिक रहेको र नयाँ नेपाल बनाउने काम गोरखाबाट नै सुरु भएको बताउँदै उनले गोरखाले परिवर्तनको संवाहक पार्टीलाई जिताउने गरेको जिकिर पनि गरे । सो अवसरमा जेसिजले विभिन्न व्यक्तिलाई सम्मानित गरेको थियो ।
