पोखरा/गण्डकी प्रदेशमा हुने नवौँ राष्ट्रिय खेलकुदका लागि प्रदेश सरकारले पहिलो चरणमा तीन करोड ४६ लाख रुपैयाँ निकासा गरेको छ ।
खेलाडीको बन्द प्रशिक्षण, खेल सामग्री, खेलाडी छनोट लगायतका लागि अर्थमन्त्रालयले ३ करोड ४६ लाख रुपैयाँ उपलव्ध गराएको हो ।
प्रदेश खेलकुद परिषद्को माग र युवा तथा खेलकुद मन्त्रालयको सिफारिस अनुसार मन्त्रालयले सो रकम निकासा गरेको प्रदेश सरकारका अर्थमन्त्री रामजी प्रसाद बरालले जानकारी दिए ।
खेलकुद मन्त्रालयले पाँच करोड रुपैयाँ माग गरेपनि अर्थ मन्त्रालयले हालका लागि सो रकम उपलव्ध गराएको हो ।
आगामी असोज २८ देखी कात्तिक ३ गतेसम्म हुने प्रतियोगितामा ३६ र दुई प्रदर्शनी खेल गरी ३८ खेल हुनेछन् ।
सम्बन्धित समाचार-https://dhorpatannews.com/2022/08/83812/
