पोखरा/एमाले अध्यक्ष केपी शर्मा ओलीले माधव नेपाल नेतृत्वको नेकपा एकीकृत समाजवादी पार्टीले थ्रेसहोल्ड पनि नकटाउने दाबी गरेका छन । आसन्न संसदीय चुनावलाई लक्षित गर्दै ओलीले नेपालको पार्टीलाई जनताले भोट नदिने दाबी गरे ।

एमालेलाई विभाजन गरेको भन्दै उनले नेपाल सहित झलनाथ खनालप्रति आक्रोश पनि पोखे । समृद्ध नेपाल, सुखी नेपाली नारासहित विगतमा आफ्नो नेतृत्वको सरकारकाले विकास निर्माणको कार्यलाई दू्रतरुपमा अघि बढाएकोमा माधव नेपाल, झलनाथ खनालहरुले आफ्नै पार्टी फुटाएको ओलीको आरोप थियो ।

“माधव नेपालको पार्टीलाई के गर्न हुने, के गर्न नहुने छैन । किन भोट दिने रु” उनले भने ।
नेपाल लोकतान्त्रिक तमु संघको दोस्रो राष्ट्रिय सम्मेलनको मंगलबार समुद्घाटन समारोहमा बोल्दै पूर्व प्रधानमन्त्रीसमेत रहेको एमाले अध्यक्ष

ओलीले आफूले काम गर्न नसक्ने र अरुले गरेको रिस डाहा गर्ने प्रवृत्ति माधव नेपालमा रहेको आरोप लगाए ।
“आफ्नै एमाले नेतृत्वको सरकार ढाल्ने काम माधव नेपाल, झलनाथ खनालहरु पार्टी फुटाउने खेलमा लागे । चुनावमा के देखेर माधव नेपालको पार्टीलाई भोट दिने रु कुन कामका लागि भोट दिने रु पार्टी फुटाएकोले, सरकार ढालेकोले, केका लागि भोट दिने वा प्रतिक्रियावादीको सभामा सामेल भएर एमालेलाई गाली गरेवापत रु” उनको आक्रोश थियो ।

आसन्न चुनावमार्फत एमालेले जित्नैपर्ने उनको भनाई छ । “सत्तागठबन्धनले देश बर्बादीतर्फ धकेलिरहेको छ । परराष्ट्र सम्बन्ध बिगारेको, राष्ट्रियतामा संकट उत्पन्न पारिरहेको छ” उनले भने, “यो सरकारले स्वाधीनताको स्वतन्त्रताको उपयोग गर्ने हिम्मतै गर्दैन । सत्ता प्राप्ति, सत्ता जोगाउने र लुटतन्त्र गर्ने उसको उद्देश्य हो । देश विकास र जनताप्रति उत्तरदायी हुने कुनै कामै गरेको छैन ।”

राष्ट्रियता बचाउने, सुशासन कायम गर्ने, विकासको अभ्यास अगाडि बढाउनका लागि आगामी मंसिर ४ मा हुने प्रतिनिधिसभा तथा प्रदेशसभाको चुनाव एमालेले जित्नैपर्ने उनको जोड थियो । उनले अहिले पनि एमाले ठूलो पार्टी भएको उल्लेख गर्दै उनले चुनावपछि बहुमतवाला पार्टी हुनुपर्ने बताए ।
सत्तागठबन्धनले वृद्धभत्ताको लागि उमेर घटाएकोमा उनले रोष प्रकट गरे ।

“हामीले १ सय रुपैयाँबाट बढाएर ४ हजार पु¥यायौं । उसले के के न ग¥यौं भनेर ६८ वर्षमा झारेको छ । नेपालीको सरदर आयु ७२ वर्ष हो । यसरी वृद्धभत्ताको लागि बर्सेनि उमेर घटिरहने हो भने मान्छे जन्मिने वित्तिकै वृद्ध भत्ता खाने दिने आउँछ” उनले भने, “अर्थतन्त्र ओह्रालो लागेको बेलामा वृद्धभत्ता घटाउनुपर्ने आवश्यकता छैन । कांग्रेसले भोट बेस्सरी झर्छ भनेर ठानेको होला । अहिले केही नभेटाएर उमेर घटायो ।”