बागलुङ/ शिक्षा, विज्ञान तथा प्रविधिमन्त्री देवेन्द्र पौडेलले जनतासँग बाचा गरेका कामहरु आगामी ५ वर्षमा सम्पन्न गर्ने बताएका छन् । बिहिबार ढोरपाटन नगरपालिकाका मतदातालाई धन्यावाद दिँदै उनले जनतासँग बाचा गरेका काम सम्पन्न गर्ने बताएका हुन् ।
‘यसअघि गर्न नसकेका कामहरु पनि छन्, उनले भने, पहिलेका बाँकी काम र अहिले जनतामाझ गरेका प्रतिबद्धता आगामी ५ वर्षमा क्रमश पूरा गछौं ।’ संघ र प्रदेश सरकार गठबन्धनको बन्ने बताउँदै पौडेलले बागलुङको विकासका लागि गठबन्धनका नेतासँग समन्वय गरी काम गर्ने बताए ।
चुनावपछि जनताको साझा प्रतिनिधि भएको बताउँदै पूर्वाधार विकाशमा समान वितरण हुने आश्वासनसमेत पौडेलले दिए । ढोरपाटन सालझण्डी सडक, केन्द्रीय प्रशारण लाइन, पक्की पुल, ढोरपाटनको आलूलाई प्रर्बद्धन लगायतका काम जनताको चाहनाअनुसार हुने पौडेलले बताए ।
