पोखरा / फिफा विश्वकप २०२२ को फाइनल खेलको पहिलो हाफमा २–० ले पछि परेको फ्रान्स दोस्रो हाफमा खेलमा फर्किएको छ ।
पहिलो हाफमा एकपक्षिय खेल खेलेको अर्जेन्टिना दोस्रो हाफमा अग्रता जोगाउन नसक्दा निर्धारित ९० मिनेटको खेल बराबरीमै रोकिएको हो ।
अर्जेन्टिनाले खेलकोे २३ औं मिनेटमा अर्जेन्टिनाले पेनाल्टी क्षेत्रभित्र ओस्मान डेम्बेलेले एन्जल डि मारियालाई लडाएपछि रेफ्रीले पेनाल्टी दिएका थिए ।
कप्तान मेस्सीले सहजै गोल गरे । ३६ औं मिनेटमा डि मारियाले उत्कृष्ट गोल गर्दै अर्जेन्टिनाको अग्रता दोब्बर पारे ।
मिडफिल्डमा बल खोसेपछि सुरु भएको काउन्टर अट्याकलाई डि मारियाले पेनाल्टी क्षेत्र भित्रबाट फिनिस गरे ।
एलेक्सिस म्याक एलिस्टरले अफसाइड ट्र्याप बिट गरेपछि दिएको पासमा डि मारिया चुकेनन् ।
उता खेलको ७९ औं मिनेटमा एम्बाप्पले पेनाल्टिमै गोल गर्दै अग्रता घटाए । त्यसको एक मिनेटपनि बित्न नपाउँदै उनले व्यक्तिगत दोस्रो गोल गर्दै बराबरीमा ल्याए । खेल ३० मिनेट लम्बिएको छ ।
