बागलुङ / बागलुङ नगरपालिकाले चिनीको खुद्रा विक्री मूल्य तोकेको छ । नगरपालिकाले तिहार लगायतका चाडपर्वलाई लक्षित गरी चिनीको मुल्य प्रति किलो बढीमा रु. १ सय २० सम्म तोकेको हो ।
बागलुङ नगरपालिकाका उपप्रमुख एवं उपभोक्ता हित संरक्षण समितिका संयोजक राजु खड्काले बजार क्षेत्रमा चिनीको अभाव रहेकाले स्थानीय प्रधान ब्रदर्श मार्फत खरिद गरिएको चिनीको मुल्य प्रति किलो रु. १ सय २० निर्धारण गरिएको बताए ।
उपप्रमुख खड्काले प्रधान ब्रदर्श मार्फत खरिद गरिएको चिनीलाई बजार क्षेत्र तथा वडा तहसम्ममा बजार वयवस्थापनमा आवश्यक सहययोग र सहजिकरण गर्ने निर्णय गरिएको समेत जानकारी दिए ।
बजार क्षेत्रभन्दा टाढा रहेका वडाहरुमा बागलुङ नगरपालिकाले ढुवानी सेवा उपलब्ध गराउने छ । बागलुङ ब्जारका व्यवसायीहरुले चिनीलाई प्रति किलो रु. १ सय ३५ रुपैयाँमा विक्री गर्दै आएका थिए ।
नगरपालिकाले बजार अनुगमनका क्रममा व्यवसाय दर्ता, नविकरण नगरिएको, म्याद गुज्रेका सामानहरु पसलमा भेटिएको, गुणस्तरीय मापदण्ड पुरा नगरेको भेटिएका छन् ।
मिठाईजन्य खानेकुरा आफुखसी प्याकिङ गरेको, खानेकुराहरुमा रङ मिसावट गरिएको, पसलमा मुल्यसूची नराखिएको, मुल्य तोकिएका सामानको तोकिएको मुल्य भन्दा बढीमा विक्री गरेको त्रुटिहरु देखिएको छ ।
उपप्रमुख खड्काले कमजोरी गर्नेहरुलाई सचेत गराइएको र नसच्चिएमा नियमानुसार कारवाही गरिने जानकारी दिए ।
बागलुङ नगरपालिकाले जारी गरेको विज्ञप्तिको पूर्णपाठ:
