पोखरा / पोखरा महानगरपालिका अन्तर्गतका सबै कार्यालय फागुन २७ गते दिउँसो १ बजेपछि बन्द हुने भएका छन् । महानगरले आफ्नो सातौं स्थापना दिवस मनाउनका लागि आइतबार दिउँसो १ बजेदेखि सेवा बन्द गर्न लागिएको प्रमुख प्रशासकीय अधिकृत श्यामकृष्ण थापाले बताए ।
पोखरा महानगरपालिका कार्यालय सहित यसका महाशाखा, शाखा तथा वडा १ देखि ३३ सम्मका सवै कार्यालयहरुको सेवा बन्द हुने महानगरले जारी गरेको सूचनामा उल्लेख छ ।
