पोखरा/ पोखराको नयाँबजारस्थित दराजको पोखरा शाखा कार्यालयमा शुक्रबार राती चोरी भएको छ । कास्की प्रहरीका अनुसार शौचालयतर्फको झ्याल फोरेर चोरी भएको छ ।
कास्की प्रहरीका निमित्त सूचना अधिकारी समीक्षा घिमिरेका अनुसार ५ लाख ८० हजार ५ सय रुपैयाँ नगद, एउटा सामसुङ मोबाइल र ५ वटा झोला हराएको हो । शनिबार बिहान कार्यालय खुलेपछि चोरी भएको थाहा पाएपछि कार्यालयका कर्मचारीले प्रहरीलाई खबर गरेका थिए ।
बिहान साढे ६ बजे प्रहरीलाई खबर आएको र अहिले वडा प्रहरी कार्यालय बैदामले घटनाको अनुसन्धान गरिरहेको घिमिरेले बताईन । कार्यालयको सिसी क्यामेरा फुटेजमा चोरले पैसा राखेको अल्मारीनै बोकेर लगेको देखिएको कर्मचारीहरुले बताए ।
