पोखरा / गोरखाको चुमनुब्री गाउँपालिका-१ स्थित वीरेन्द्र तालमा हिमपहिरो खसेको छ ।हिमपहिरो खस्दा तालको पानी छचल्किएर तल्लो भेगमा बाढी आएको छ ।
बाढीले सामागाउँको काठेपुल बगाएको जिल्ला प्रहरी कार्यालय गोरखाका प्रहरी प्रमुख बासुदेव पाठकले बताए ।
‘वीरेन्द्र ताल फुटेको होइन । तालमा हिमपहिरो आएको हो । हिमपहिरोबाट तालबाट पानी छछल्किएको हो । सामागाउँको काठेपुल बगाएको छ । अहिलेसम्म बस्तीमा त्यति जोखिम छैन ’ पाठकले भने ।
२०७१ सालमा पनि वीरेन्द्र तालमा हिम पहिरो खसेर बाढी आउँदा सामागाउँ-साम्दो जोड्ने पुल बगाएको थियो ।
