पोखरा /काठमाडौंमा जारी आठौं पिएम एनभिए भलिबल लिगमा गण्डकी प्रदेशको पुरुषटिमले लगातार दोस्रो जित हासिल गरेको छ ।
त्रिपुरेश्वरस्थित राष्ट्रिय खेलकुद परिषद (राखेप) कभर्ड हलमा भएको आफ्नो दोस्रो खेलमा सुदुरपश्चिम प्रदेशलाई ३-० को सोझो सेटमा हराउँदै गण्डकीले दोस्रो जित हासिल गरेको हो ।
पहिलो सेट २५-२२ ले आफ्नो पक्षमा पारेको गण्डकीले दोस्रो सेटपनि २५-२२ र तेस्रो सेटमा २५-१८ को जित निकाल्यो ।
शनिबार गण्डकीले एपिएफमाथि ३-१ को जित हासिल गरेको थियो । गण्डकीले २५-२२, १९–२५, २५-२० र २५-१९ को सेटमा जित हासिल गरेको थियो ।
