बागलुङ / नेकपा (एकीकृत समाजवादी) बागलुङको अध्यक्षमा पिंगलराज गौतम चयन भएका छन् । जिल्ला कमिटी नै एमालेमा समाहित भएको घोषणा गरेको एक हप्ता नपुग्दै एकिकृत समाजवादीले नेता गौतमलाई अध्यक्षमा चयन गरेको छ ।
जिल्ला अध्यक्ष लालबहादुर थापा सहितका केही नेता मात्रै एमालेमा प्रवेश गरेपनि जिल्ला कमिटी नै समायोजन भएको हल्ला गरेकोमा आपत्ति जनाउदै आएका गौतम रिक्त अध्यक्ष पदमा चयन भएका हुन् ।
पार्टीको केन्द्रीय कमिटिको निर्णयले जिल्ला सचिवालय सदस्य रहेका बागलुङ नगरपालिका वडा नं. ३ का गौतमलाई अध्यक्षमा नियुक्त गरिएको पार्टीका केन्द्रिय महासचिव घनश्याम भुषालले जारी गरेको बिज्ञप्तीमा उल्लेख छ ।
समाजवादीको गत असारमा भएको महाधिवेशनमा केन्द्रिय सदस्य नपाएपछि निस्कृय जस्तै बसेका जिल्ला अध्यक्ष थापा, पोलिटव्यूरोमा पराजित केन्द्रीय सदस्य श्रीप्रसाद शर्मा, जिल्ला सचिव भरत पुरी र परिषद सदस्य भूपाल चालिसे लगायत एमालेमा प्रवेश गरेको आरोप एकिकृत समाजवादीमा नै रहेकाहरुको छ । उनीहरुलाई स्वागत गर्न एमाले गण्डकी प्र्रदेशका इन्चार्ज किरण गुरुङ बागलुङ आइपुगेका थिए । अध्यक्ष, सचिव र केन्द्रीय सदस्य जिल्लाको माइन्युटसहित एमालेमा प्रवेश गर्दा सो पार्टीमा केही दिन सुन्यता थियो ।
बिहिबार भुषालले पठाएको पत्र पाएपछि गौतमसहित नेकपा एसका कार्यकर्ताले पुनः पार्टी नेतृत्व गर्न आफुहरु तयार रहेको बताए ।
