गोरखा / जिल्लाको सहिद लखन गाउँपालिकाले प्रसिद्ध धार्मिकस्थल मनकामना मन्दिरमा गुठी पञ्चमीका दिन हुने विशेष पूजाको अवसरमा बुधबारका लागि सार्वजनिक बिदा दिएको छ ।
भोलि मंसिर ५ गते (बुधबार) गाउँपालिका अन्तर्गतका सम्पूर्ण कार्यालय, विद्यालय बिदा रहने गाउँपालिकाले सार्वजनिक सूचना प्रकाशित गरि जानकारी गराएको हो ।
हरेक वर्षको गुठी पञ्चमीमा सार्वजनिक बिदा दिने २०७४ फागुन ६ गतेको गाँउ कार्यपालिकाको बैठकले निर्णय गरेको थियो । गुठी पञ्चमीका दिन मनकामनामा विशेष पूजा तथा मेला लाग्ने गर्छ ।
