फाइल तस्बिर
बागलुङ/गुठी युवा क्लब बागलुङले हरितालिका तीजको अवसरमा बागलुङ बजारमा दुई दिने तीज मेला गर्ने भएको छ । बागलुङ नगरपालिका वडा नं. ३ को कार्यालय चिप्लेटी महिला समूह र गुठी आमा समूहको सह–आयोजना रहने मेला भदौ ९ र १० गते चल्ने क्लब सचिव सुवास रुचालले जानकारी दिए ।
मेलामा अन्तरविद्यालय तीज नृत्य प्रतियोगिता, घैटोफोर, स्लो बाइक रेश प्रतियोगिता र महिला समुहद्वारा मौलिक तीज गीत प्रदर्शन हुने सचिव रुचालले बताए । चिप्लेटी बसपार्कको प्राङगणमा आयोजना हुने तीज मेलामा महिला दिदिबहिनी सम्मान, राष्ट्रिय तथा स्थानीय कलाकार सांगीतिक प्रस्तुति रहने छ ।
