पोखरा / नेपाल प्रमियर लिग (एनपिएल) मा लुम्बिनी लायन्सले काठमाडौं गोर्खाजलाई ५ विकेटले हराएको छ । ११२ रनको विजयी लक्ष्य पाएको लुम्बिनीलाई रुवेनले ५ रन बनाउँदै जित दिलाए ।
लुम्बिनीलाई जितका लागि मात्र ६ रन आवश्यक परेको अवस्थामा लगातार २ विकेट गुमाउन पुगेको थियो । त्यसपछि रुवेन र जोहानेस स्मिथ क्रिजमा पुगेको थियो ।
लुम्बिनीले १७।४ ओभरमा ११२ रन बनाउँदै दोस्रो क्वालिफाइनमा विराटनगरसंगको भेट पक्का गरेको हो । ओपनर डिआर्की सर्टले ३४ रनको योगदान दिए । उनले ३४ बलमा २ छक्का प्रहार गरे । दिनेश अधिकारी ४ रनमा आउट भए । कप्तान रोहित पौडेल १८ रन बनाउदै आउट भए । उनले २५ बलमा १ चौका र १ छक्का प्रहार गरे ।
सुन्दिप जोराले २३ रन बनाउँदै आउट भए । दिलिपनाथ ७ रनमा आउट हुँदा निरोशान डिकवेला १४ रनमा आउट भए । काठमाडौंका लागि सन्तोष यादवले २ तथा करण केसी, सन्नि पटेल, सहाव आलम र रासिद खानले १र१ विकेट लिए ।
त्यसअघि टस जितेर ब्याटिङ रोजेको काठमाडौं गोर्खाजले खराब सुरुवातसंगै २०।१ ओभरमा अल आउट हुँदै १११ रन बनायो । पावरप्लेको समाप्तिसम्म ४ विकेट गुमाउन पुगेको थियो । सहाव आलम ४ रनमा अविजित रहे । ओपनर वेन चार्लिस्वर्थ ४, आकाश त्रिपाठी १ रनमा आउन भए ।
सन्नि पटेल ७, मिलिन्द कुमार २, भीम सार्की १४, जोन सिम्पसन १८ रनमा आउट हुँदा रसिद खान २, मोहम्मद आदिल आलम १८ रनमा आउट भए । करण केसी ९ रनमा आउट भए । सन्तोष यादव २३ रनमा रनआउट भए । लुम्बिनीका लागि शेर मल्लले ४ ओभरमा २२ रन खर्चेर ३ विकेट लिए ।
कप्तान रोहित पौडेलले ४ ओभरमा २५ रन खर्चेर ३ विकेट लिए भने रुवेन ट्रम्प्लेमानले २ तथा अभिशेष गौतमले १ विकेट लिए । काठमाडौंले लिग चरणमा लुम्बिनीलाई २२ रनले हराएको थियो ।
त्यो खेलमा लुम्बिनीले टस जितेर पहिला फिल्डिङ नै रोजेको थियो । लिग चरणमा काठमाडौं तेस्रो र लुम्बिनी चौथो हुँदै प्ले अफमा पुगेका थिए । आजको खेल जित्ने टोली भोलि विराटनगर किङ्ससँग क्वालिफायर टु खेल्नु पर्नेछ ।
