म्याग्दी/बेनी नगरपालिका–२ हाँडेभीरस्थित पार्किङ गरेर राखेको ग २ ज १०५४ नम्बरको बोलेरो जिपमा अज्ञात समूहले आगजनी गर्दा क्षती भएको छ ।
२०८२ चैत १० गते बिहान गाडीमा आगजनी भएको जिल्ला प्रहरी कार्यालय म्याग्दीका निमित्त प्रमुख प्रहरी निरीक्षक सागर तिमिल्सिनाले बताए । उनका अनुसार, बेनी नगरपालिका–७ का सुमन श्रेष्ठको गाडीमा बिहानै आगो लगाइएको र गाडीका भित्री भाग जलेर नष्ट भएको छ । घटनाको अनुसन्धान जारी रहेको तिमिल्सिनाको भनाई छ ।
गाडी पार्किङ गरेको अवस्थामा आगो लागेको देखिएकोले गाडी धनीले कसैले जलाइदिएको बताए पनि अहिलेसम्म जलाइएको वा आफै जलेको एकिन भै नसकेको तिमिल्सिनाले बताए ।
