पोखरा / गृह मन्त्रालयले १३ जिल्लामा प्रमुख जिल्ला अधिकारी (सिडिओ) परिवर्तन गरेको छ ।

आज शुक्रबारको गृहमन्त्रीस्तरीय निर्णयबाट सिडिओ फेरिएको हो । जस अनुसार कास्कीका रुद्रादेवी शर्मालाई धनकुटा सरुवा गरिएको छ । यसैगरी यसअघि बागलुङमा प्रजिअ रहेका कुमानसिंह गुरुङ कास्कीको सिडिओ बनेका छन् ।

यसैगरी गण्डकी प्रदेश अन्तर्गत स्याङजाका ईश्वरीप्रसाद अर्याललाई संखुवासभाको सिडिओमा लगिएको छ भने स्याङजामा निराजन घिमिरे आउने भएका छन् । यसैगरी नवलपुरका भविश्वर पाण्डेको पाल्पा सरुवा भएको छ भने उक्त जिल्लामा सुर्खेतबाट जगदिश्वर उपाध्यायलाई ल्याइएको छ । मन्त्रालय अन्तर्गतका पाँच महाशाखा र विभागमा पनि सहसचिव परिवर्तन भएका छन् ।