पोखरा / सन् २०२२ मा कतारले विश्वकपको आयोजना ग¥यो । आयोजक राष्ट्र भएकाले कतारले सोझै विश्वकप खेलेको थियो । यस पटकको विश्वकप भने कतारको इतिहासमै पहिलो पटक आफ्नो भूमि बाहिर खेलेको पहिलो विश्वकप रह्यो ।
शनिबार राती भएको खेलमा कतारले विश्वकपमा आफ्नो पहिलो खेल स्विट्जरल्याण्डसंग खेल्यो । खेल १–१ गोलको बराबरीमा रोकियो । स्विट्जरल्याण्ड विरुद्धको खेलमा कतारले गोल गर्नै परेन । कतार विरुद्ध अग्रता लिएको स्विट्जरल्याण्डले कतारलाई उपहार गोल दियो । अर्थाता स्विट्जरल्याण्डको आत्मघाती गोलमा कतारसंग १–१ को बराबरी खेल्यो ।
उक्त खेलमा स्विट्जरल्याण्डले खेलभरि कुल २५ पटक गोल गर्ने प्रयास गरेपनि फिनिसिङमा भने चुकिरह्यो । खेलभर दबदबा कायम राखेको स्विट्जरल्याण्डले फिनिङ गर्न नसक्दा जितबाट चुकेको हो ।
खेलको दोस्रो मिनेटमै स्विट्जरल्याण्डका डिफेन्डर म्यानुएल आकान्जीको गल्तीको फाइदा उठाउँदै कतारका एडमिल्सन जुनियरले गोल गर्ने सुनौलो अवसर खेर फाले । उनको प्रहारलाई स्विस गोलकिपर ग्रेगोर कोबेलले बचाउ गरे ।
१७ औं मिनेटमा स्ट्जिरल्याण्डले पेनाल्टी मार्फत गोल ग¥यो । जारी विश्वकपको यो पहिलो पेनाल्टी समेत हो । कतारका गोलकिपर महमुद अबुनादाले पेनाल्टी बक्सभित्र रेमो फ्रुइलरलाई लडाएपछि स्विट्जरल्याण्डले पेनाल्टी प्राप्त गरेको थियो । उक्त पेनाल्टीलाई ब्रेल एम्बोलोले गोलमा परिणत गर्दै स्विस टोलीलाई अग्रता दिलाएका थिए ।
जिततर्फ उन्मुख भएको स्विस टोलीले ९० औं मिनेटमा आत्मघाती गोल गर्दा अंक बाड्न बाध्य भएको हो । कतारका होमाम अहमदको क्रसलाई रोक्ने क्रममा स्विस खेलाडी मिरो मुहेमले आफ्नै गोलकिपर ग्रेगोर कोबेललाई छक्याउँदै आत्मघाती गोल गर्न पुगेका थिए । जुन स्विस टोलीका लागि दुर्भाग्यपूर्ण बन्यो ।
यो बराबरीसंगै स्विट्जरल्याण्डले विश्वकपको आफ्नो सुरुवाती खेलहरूमा विगत ७ खेल देखि अपराजित रहेको कीर्तिमानलाई कायम राख्यो ।
