नवलपुर/ स्थानिय तहको झल्को दिनेगरि सम्पन्न गैडाकोट पम्पिङ स्कीम तथा खानेपानी उपभोक्ता संस्थाको निर्वाचनमा कांग्रेस एमालेको संयुक्त प्यानल बिजयी भएको छ ।
गत संसदिय निर्वाचनमा राष्ट्रिय स्वतन्त्र पार्टीले यहाका दुई वटै निर्वाचन क्षेत्रमा अत्यधिकमतले बिजयी भएपछि जिल्ला तहका सबैजसो संघसंस्थामा रास्वपा बिरुद्ध अन्य दल एक भएर निर्वाचनमा होमिने गरेका छन ।
आइतवार सम्पन्न खानेपानीको मत परिणाम अनुसार कांग्रेस एमालेको संयुक्त प्यानलले लेखा समिति सहित सबै सिटमा बिजय हात पारेको हो ।
निर्वाचन समितिका संयोजक अधिबक्ता जनक ढुङ्गानाले दिएको जानकारी अनुसार संस्थाको अध्यक्षमा नेपाली काग्रेसका विपिनभक्त अधिकारीले १४१४ मत सहित विजयी भएका छन । उनले रास्वपाका उम्मेदवार ज्ञानेन्द्र सापकोटालाई पराजित गरेका थिए । सापकोटाले ६४६ मतमा चित्त बुझाएका छन ।
त्यस्तै, उपाध्यक्षमा नेकपा एमालेका कृष्णप्रसाद काफ्लेले रास्वपाका कृष्णप्रसाद पौडेललाई पराजित गरे । काफलेले ८६० मत पाएका थिए भने पौडेलले ५४४ मत पाएका थिए ।
त्यसैगरि सचिवमा काग्रेसका दामोदर तिवारीले रास्वपाका रविन्द्रराज घिमिरेलाई पराजित गरेका छन । तिवारीले ८४४ मत पाए भने घिमिरेले ७९८ मत पाएका थिए ।
एता कोषाध्यक्षमा एमालेका श्रीराम सुवेदीले रास्वपाकी इश्वरा शर्मा भट्टराईलाई पराजित गरेका थिए । जिल्लाका सबै जसो संघसंस्था, वन, स्कुल र कलेजमा समेत कांग्रेस,एमाले र अन्य दल मिलेर रास्वपा बिरुद्ध उम्मेदवारी दिने गरेका छन ।
