पोखरा/भोटेकोशी बाढीपीडितलाई सघाउन एक लाख तीन हजार ६५ रुपैयाँ प्रदान गरिएको छ । स्याङ्जाको फेदीखोला–२, बहाँटारीका गाउँ विपद व्यवस्थापन तथा सामाजिक सहायता समिति, बहाँटारी आमा समूह र बहाँटारी समाजले राहत रकम संकलन गरी प्रधानमन्त्री दैवीप्रकोप उद्धार कोषमा जम्मा गरेका हुन् ।
बाढीबाट भएको अकल्पनीय जन धनको क्षतिप्रति दुःख व्यक्त गर्दै घाइतेको शीघ्र स्वास्थ्य लाभको कामनासमेत गरिएको छ । गाउँ विपद व्यवस्थापन तथा सामाजिक सहायता समिति अध्यक्ष ताराबहादुर खत्रीले देशमा विपद आएका बेला मानवीय दायित्व निर्वाह गर्दै सहयोग गरिएको जनाए ।
