काठमाडौं / नेपाली कांग्रेसका सभापति गगन थापाले गोरखाको चुमनुब्री क्षेत्रमा बूढीगण्डकी नदीमा आएको बाढीबाट भएको क्षतिप्रति दुःख व्यक्त गरेका छन । उनले नदी आसपासका बासिन्दालाई सतर्कता अपनाउन र सुरक्षित स्थानमा रहन आग्रह गरेका हुन ।
सामाजिक सञ्जालमार्फत धारणा सार्वजनिक गर्दै सभापति थापाले बाढीका कारण न्याक्चेत–फिलिम र धादिङ–गोरखा जोड्ने पुल बगाएको घटनाप्रति चिन्ता व्यक्त गरे ।
उनले बूढीगण्डकीदेखि त्रिशूली नदी किनारसम्मका तटीय क्षेत्रमा बसोबास गर्ने नागरिकलाई सम्भावित जोखिमप्रति सचेत रहन, सुरक्षित स्थानमा जान र स्थानीय प्रशासनले जारी गरेका निर्देशन पालना गर्न अनुरोध गरेको छ ।
बाढीबाट प्रभावित नागरिकको उद्धार, राहत तथा आवश्यक सहयोगमा जुट्न पनि सभापति थापाले नेपाली कांग्रेसका नेता तथा कार्यकर्तालाई आह्वान गरे ।
