काठमाडौं, २९ साउन– नेपालमा पछिल्लो २४ घण्टामा ५०० भन्दा बढी नयाँ व्यक्तिमा कोरोना भाइरसको संक्रमण पुष्टि भएकोे छ । देशका विभिन्न प्रयोगशालामा नौ हजार ८५९ जनामा गरिएको पिसिआर परीक्षणमा ५२५ व्यक्तिमा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए । यससँगै नेपालमा कोरोना संक्रमित २४ हजार ९५७ पुगेका छन् ।
त्यसैगरी, पछिल्लो २४ घण्टामा थप १०९ जना कोरोना संक्रमणमुक्त भएका छन् । यससंगै नेपालमा हालसम्म १६ हजार ८३७ उपचारपछि निको भएका छन् । पछिल्लो २४ घण्टामा नेपालमा थप चार कोरोना संक्रमितको मृत्यु भएको छ । महोत्तरी, धनुषा, अछाम र मोरङमा एक÷एक जनाको मृत्यु भएको प्रवक्ता डा. गौतमले जानकारी दिए । यससँगै कोरोना संक्रमितबाट ज्यान गुमाउनेको संख्या ९५ जना पुगेका छ ।