पोखरा २० असोज– कास्की जिल्ला खेलकुद विकास समितिले हालसम्म १ सय ५ खेल संघको सिफारिस गरेको छ । तर, जिल्लामा भने जम्मा ३७ खेल संघ ३ क्लब दर्ता भएका छन् । अन्य खेल संघ भने केन्द्रमा दर्ताका निम्तिमात्र सिफारिसका लागि जिल्ला आउने गरेका छन् । खेलकुदकर्मी सधैँ फुर्तिला,जोसिला स्वस्थ हुने भन्ने प्रचलन छ । तर, ती खेल संघसँग सम्बन्धित व्यक्तिमा कुनै जोस–जाँगर र देखिँदैन । खेलकुद विकासको लागि राज्यलाई मात्र औंला उठाउने खेलकुद संघहरु आफ्नो नेतृत्वमा भने हानथाप र हालिमुहाली गर्ने गरेको पाइन्छ । कास्कीका खेल संघहरुमध्ये केही संघबाहेक अन्य संघहरु अहिले पनि पुरानै कार्य समिति रहेको छ । उनीहरुले संघको अधिवेशन गर्दैैनन् । नेतृत्व आफै गर्छन् तर संघको जिम्मेवारी पूरा गर्दैनन् । कतिपय संघले क्रियाशिलता देखाए पनि संस्थालाई विधिवत् रुपमा सञ्चालन गरेको पाइँदैन ।
जिल्ला खेलकुद विकास समिति जिल्लाभित्र रहेका खेल संघ र क्लबको नियमन निकाय हो । त्यही नियमन निकायको नीति तथा विधि विधानलाई छाडेर आफ्नै मनोमानि गर्दै आएका छन् । संघ संस्था एवं क्लबहरुले खेलकुद प्रतियोगिता आयोजना गर्दा जिल्ला खेलकुद विकास समितिसँग न स्वीकृति लिन्छन् नत ती संघ÷सस्थाले वार्षिक प्रतिवेदन तथा आयेजनाको आयव्यय विवरण नै पेश गर्छन् ।
यतिमात्र होइन राष्ट्रिय खेलकुद परिषद्मा दर्ता गर्नको लागी १६ जिल्लामा खेल संघ भएको हुनुपर्ने भन्ने नियमको कारणले पनि सहज हुने जिल्ला छनोट गरी केन्द्रमा दर्ता हुनेगरेका छन । सोहि क्रममा कास्कीमा पनि पदाधिकारी जुटाउन सहज हुनेगर्दा सिफारिसको लागी आउने गर्दछन् ।
जिल्ला खेलकुद विकास समितीले खेल संघलाई वर्षेनी पत्राचार गर्दै प्रतिवेदन तथा आयव्यय माग गरेपनि संघहरुले भने त्यसको व्यवस्ता गर्दै आइरहेका छन् । संघहरुको आफ्नै अहमता छ ।
– गत वष १७ खेल संघले मात्र प्रतिवेदन बुझाएका थिए ।
–जिल्लामा ४० खेलसंघ सूचिमा छन । तर केन्द्रको लागि १ सय ५ सघंलाई सिफारिस गरिएको छ ।
–यो आथिर्क वर्षको हालसम्म एक खेल संघले मात्र प्रतिवेदन बुझाएको छ ।
–विदेश घुम्न पाउने आशाले संघको दर्ता।
–प्रतियोगिताहरु आयोजना गरे पनि संघको अधिवेशन भने गरेका छैनन् ।
यो आथिर्क वर्षभित्र संघ प्रतिवेदन बुझाउने भनेको असोजको मसान्तसम्म हो । तर, कास्की जिल्ला लन टेनिस संघबाहेक अन्य संघले अझैसम्म पनि वार्षिक प्रतिवेदन प्रस्तुत गरेका छैनन् । गत आर्थिक वर्षमा जम्मा १३ खेल संघले मात्र आफ्नो प्रतिवेदन बुझाएका थिए । भने ३ क्लबले आफ्नो प्रतिवेदन बुझाएका थिए । गतवर्ष भलिबल संघ, क्रिकेट संघ,साइक्लिङ संघ,बक्सिङ, आर्चरी, तेक्वान्दो, बास्केटबल, टेबल टेनिस, ब्याडमिन्टन,सितोरियो कराते, पौडी, बुद्धिचाल, स्ट्रोङगेस्ट क्युकोसिन, क्युकोसिन बुदोकाई, मोआ थाई संघले आफ्नो प्रतिवेदन बुझाएका थिए । त्यस्तै नव आर्दश सामुदायिक क्लब, बुुल्समेन र सबलता बक्सिङ क्लबले आफ्नो प्रतिवेदन बुझाएका थिए । कास्की जिल्ला फुटबल संघ,उसु,एथलेटिक्स,शारीरिक सुगठन, भारोत्तोलन,आइ.टि.एफ ते, अटो स्पोर्टस् एशोसियसन,सफट टेनिस, सेपाकटाक्रो, बेसबल, सेभेन ए साइड, स्की, गल्फ, ट्रयाथोलन, रग्बी, ह्याण्डबल, जिम्न्याष्टिक, नेटबल तथा हक्की संघले प्रतिवेदन बुझाएका छैनन् । यी खेल संघहरुले यो वर्ष भने अहिलेसम्म पनि प्रतिवेदन बुझाएका छैनन् । ‘हामीले १ सय ५ संघलाई सिफारिस गरेका छाँै । कास्कीमा करिब ३७–३८ संघहरु क्रियाशिल छन । खेल आयोजना समेत गरेका छन तर प्रतिवेदन भने बुझाएका छैनन्’, जिल्ला खेलकुद विकास समितीका कार्यालय प्रमुख प्रकाश बरालले भने, ‘केन्द्रमा संघ दर्ता गर्न १६ जिल्लामा संघ गठन भएको हुनुपर्ने प्रावधान छ । कास्कीमा गठन गर्न सजिलो छ त्यसलै पनि रोजाईमा पर्ने गरेको छ । कुनैपनि संघले गठन गरेको ६ महिनामा अधिवेशन गर्नुपर्दछ तर त्यसो भएको पाइदैँन ।’ कतिपय संघहरुले विदेश घुम्न पाइने आशमा गठन गरेको भन्ने आरोप पनि आएको छ ’ उनले भने ।
प्रत्येक संघले वर्षेनी प्रतिवेदन पेश, आयव्यय विवरण तथा वार्षिक कार्य योजनासहितको प्रतिवेदन पेश नगर्ने संघसस्थालाई निलम्बन समेत गर्न सक्ने कानूनी प्रावधान छ । खेलकुद विकास ऐन २०४८, खेलकुद विकास नियम २०४९ को परिच्छेद ५ को २०९ग०मा ‘जिल्ला खेलकुद विकास समितिले जिल्ला भित्रका जिल्लास्तरीय खेलकुद संघसंस्था र स्थानीय क्लब वा टिमलाई आवश्यक निर्देशन दिने छ । साथै आवश्यकता अनुसार समय–समयमा उक्त संस्थाहरुको हिसाब किताबको जाँचबुझ गर्न सक्ने छ ।
जिल्ला खेलकुदलाई संघले केन्द्रमा समस्या हुँदा वा जिल्लाको पत्र आवश्यक पर्दा बाहेक कुनैपनि बेला संघसँग जोडिदैनन् ।