पोखरा,२८ माघ– टाइगर ग्रुप अफ पोखराको आयोजनामा जारी प्रथम टाइगर कप आमन्त्रित राष्ट्रिय महिला तथा पुरुष भलिबल प्रतियोगिता अन्तर्गत महिला तर्फको खेलमा नेपाल पुलिस क्लबले लगातार दोस्रो जित निकालेको छ ।
बुधबार भएको खेलमा नेपाल पुलिसले त्रिभुवन आर्मी क्लबलाई ३–१ को सेटमा हराएको छ । पुलिसले आर्मीलाई १८–२५,२५–२२,२५–२३ र २५–१० ले हराएको हो । पुलिसको यो दोस्रो जित हो । राउन्ड रोविनको आधारमा खेलाइएको खेलमा पुलिसले दुई खेलबाट ६ अंक जोडेको छ । यस अघि पुलिसले सशस्त्र प्रहरी बल एपिएफलाई ३–० को सोझो सेटमा हराउँदै स्पष्ट ३ अंक जोडेको थियो । पुलिसले फाइनलको यात्रा कायमै राखेको छ ।