पोखरा, १३ फागुन– गण्डकी प्रदेशका आन्तरिक मामिला तथा कानूनमन्त्री हरिबहादुर चुमानले सर्वाेच्च अदालतले संविधानको मर्म बुझ्दै जनताको पक्षमा फैसला गरेकाले देश अध्याँरो सुरुङमा पस्नबाट बचेको बताएका छन् । उनले संसद विघटनको विषय र प्रतिगनमलाई प्रश्रय दिएर प्रधानमन्त्री केपी ओलीले देशलाई अध्यारो सुरुङतर्फ धकल्न लागेको आरोप पनि लगाए । उनी नेपाल आदिवासी जनजाति पत्रकार महासंघ (फोनिज) गण्डकी प्रदेश समितिको आयोजनामा बुधबार तनहुँको आँबुखैरेनीमा ‘सञ्चार प्रविधिको विकास र अबको पत्रकारिता’ विषयक अन्तरक्रियामा बोल्दै थिए । उनले आउँदा दिन सूचना प्रविधिको भएकोले सूचना प्रविधिलाई आत्मसात गर्न पत्रकारलाई आग्रह पनि गरे ।
नेपाल आदिवासी जनजाति पत्रकार महासंघ (फोनिज) गण्डकी प्रदेशका अध्यक्ष एमबी आस्था मगरको अध्यक्षतामा सो कार्यक्रम सम्पन्न भएको हो ।
