पोखरा/ पोखरा महानगरपालिका आर्थिक विकास महाशाखा अन्तरगतको व्यवसाय प्रवद्र्धन केन्द्र (बीपीसी) को आयोजनामा १५ दिने चप्पल बनाउने तालिम सुरु भएको छ ।
पोखरा महानगरपालिका वडा नं. १५ मा सुरु गरिएको उक्त तालिमको वडा अध्यक्ष बोधबहादुर कार्कीले उद्घाटन गरे । व्यवसाय प्रवद्र्धन केन्द्र (बीपीसी) का प्रमुख कार्यकारी अधिकृत नवराज अधिकारीले सीप विकाससहितको रोजगारी सृजना आजको आवश्यकता भएको बताए ।
तालिममा सविता श्रेष्ठ रञ्जित र सुविना विसुङ्खेलगायतले प्रशिक्षण दिनेछन् । तालिममा १० थरिका चप्पलहरू बनाउन सिकाइने छ । तालिममा ३ आमा समूहका ३० जना महिला दिदीबहिनीहरूको सहभागिता रहेको छ ।
