स्याङ्जा / बौद्धिक अपांगता भएकी युवतीलाई बलात्कार गरेको आरोपमा स्याङ्जा प्रहरीले दुई जना युवालाई पक्राउ गरेको छ । पक्राउ पर्नेमा पुतलीबजार नगरपालिका-८ डाँडास्वारा बस्ने २५ वर्षीय सुवास गुरूङ र २७ वर्षीय मदन गुरूङ रहेका छन् ।
उनीहरुले घरमै बसिरहेको अवस्थामा युवतीलाई सामूहिक बलात्कार गरेको लागेको छ । प्रहरीका अनुसार घटना भदौ २० गते दिउँसो ३ बजेतिरको हो । पीडितले शुक्रबार सामूहिक बलात्कार भएको प्रहरीकोमा उजुरी दिएकी थिइन् ।
दुवै जनालाई शुक्रबार नै पक्राउ गरी जिल्ला अदालतमा जबरजस्ती करणीमा मुद्दा दर्ता गरी थप अनुसन्धान प्रक्रिया अगाडि बढाइएको जिल्ला प्रहरीका सूचना अधिकारी पावलसिंह लामाले जानकारी दिए ।
