तनहुँ/ पृथ्वी राजमार्गअन्तर्गत आँबुखैरेनी–मुग्लिङ सडक खण्डको आँबुखैरेनी गाउँपालिका–४ साँखरमा सोमबार राति २ घण्टका लागि बन्द हुने भएको छ । उक्त स्थानमा गएको पहिरो नियन्त्रण कार्यका लागि सडक बन्द गर्न लागिएको हो ।
जिल्ला प्रशासन कार्यालयका प्रशासकीय अधिकृत सिर्जना रेग्मीका अनुसार उक्त सडक खण्डको पहिरो नियन्त्रण कार्यका लागि अध्ययन गर्नुपर्ने भएकाले कात्तिक १० गते रातिको १२ देखि बिहान २ बजेसम्म यातायात सञ्चालन अवरुद्ध हुने भएको हो ।
