पोखरा/तनहुँमा विभत्स तरिकाले ३ जनाको हत्या गर्नेलाई प्रहरीले पक्राउ गरेको छ । लगातार विभिन्न व्यक्तिमाथि भइरहेको अनुसन्धान पछि प्रहरीले एक जनालाई पक्राउ गरेको हो । प्रहरीले तीन जना हत्याको आरोपमा सोही ठाउँका कुमार नेपाली (सार्की) लाई पक्राउ गरेको हो । कुमार मृतककै साथि रहेको प्रहरी स्रोतको दाबी छ ।
उक्त दिन मादक पदार्थ सेवन गरेर सबै बसेका थिए । उनीहरु बिच समान्य भनाभन भएको थियो । सोही भनाभन भएपछि कुमारले मृतक नारायण विकलाई मुख छाडेका थिए । त्यसको रिसमा आफुले साथीको हत्या गरेको कुमारले प्रहरी सामु प्रारम्भिक बयान दिएका छन् । नारायणको हत्या पछि अन्य साथीहरूको हत्या गरेको कुमारको बयान छ ।
कुमारले हत्या गर्न प्रयोग गरेको चक्कु पनि अनुसंधानमा खटिएका प्रहरीलाई देखाएका छन् । उनी बिरुद्ध भोली बुधबार प्रहरीले म्याद थप गरेर अनुसंधान अघि बढाउने स्रोतको दाबी छ । गत शनिबार शुक्लागण्डकी नगरपालिका–५ कसेरीस्थित फोहरमैला प्रशोधन केन्द्र नजिक दुई र सोही वडाको जनकल्याण मावि मुनी नदी छेउमा एक शव फेला परेको थियो ।
