गोरखा / गत भदौ २३ मा जेनजी अन्दोलनका क्रममा निधन भएका गोरखा पालुङटार नगरपालिका–३ बर्देडााडाका अनिष पराजुलीका परिवारलाई नगरपालिकाले एक लाख रकम सहयोग गरेको छ ।
मृतक पराजुलीकी आमा कृष्णमाया पराजुलीलाई पालुङटार नगरपालिकाका प्रमुख विवश चिन्तनले एक लाख रुपैयाँको चेक हस्तान्तरण गरेका हुन् ।
सोमबार नगरपालिकाको १८ औं नगरसभाको अवसरमा पराजुलीका परिवारलाई नगद रकम हस्तान्तरण गरिएको नगरपालिकाले जनाएको छ । काठमाडौंमा भएको जेनजी आन्दोलनका क्रममा पराजुलीको निधन भएको थियो ।
