बागलुङ, २७ जेठ– कोरोना भाईरस महामारीसँग जुध्न बागलुङ नगरपालिकाले स्थापना गरेको कोरोना भाइरस संक्रमण, रोकथाम, नियन्त्रण तथा उपचार कोषलाई सञ्जालमा आबद्ध यहाँका तीन संस्थाले आर्थिक सहयोग गरेका छन् । चारतारे युवा क्लब, सिवाईसी नेपाल लघुवित्त वित्तीय संस्था र सिवाईसी बचत तथा ऋण सहकारी संस्थाले नगरपालिकाको राहत कोषमा संयुक्त रुपमा ६० हजार रुपैयाँ सहयोग गरेका हुन् । चारतारे युवा क्लव नेपालले १० हजार र सिवाईसी नेपाल लघुवित्त वित्तीय संस्थाले २५ हजार र सिवाईसी साकोसले २५ हजार जम्मा गरी संयुक्त रुपमा हस्तान्तरण गरेका हुन् । संस्थाहरुको तर्फबाट अध्यक्ष चण्डि प्रसाद शर्माले बागलुङ नगरपालिका प्रमुख जनकराज पौडेललाई उक्त रकमको चेक हस्तान्तरण गरेका थिए । संस्थाहरुले समुदायप्रतिको उत्तरदायित्वलाई ध्यानमा राखी सहयोग गरेको अध्यक्ष शर्माले बताए ।
