बागलुङ, ५ असार– शुक्रबार बिहानै बागलुङका २४ जनामा कोरोना संक्रमण पुष्टि भएको छ । प्रादेशिक प्रयोगशाला पोखरा र जनस्वास्थ्य प्रयोगशाला काठमाडौंमा गरिएको परिक्षणमा बागलुङका २४ जनामा कोरोना संक्रमण पुष्टि भएको हो ।
गण्डकी प्रदेश स्वास्थ्य निर्देशानलय पोखराका अनुसार, शुक्रबार बिहान बागलुङको गलकोट नगरपालिकाका ८ जना र काठेखोला गाउँपालिकाका ६ जनामा कोरोना पुष्टि भएको हो ।
यस्तै, जनस्वास्थ्य प्रयोगशाला काठमाडौंमा गरिएको परिक्षणमा बागलुङ नगरपालिकाका ५ जना र ढोरपाटन नगरपालिकाका ५ जनामा कोरोना पुष्टि भएको हो । कोरोना पुष्टि भएका बागलुङ नगरपालिका वडा नम्बर १० भकूण्डेका ४ र बागलुङ नगरपालिका वडा नम्बर १२ अमलाचौरका एक जना रहेका छन् ।