बुटवल, २६ भदौ– गौतमबुद्ध अन्तर्राष्ट्रिय विमानस्थल आयोजनाको भौतिक प्रगति ९२.५ प्रतिशत भएको छ । विमानस्थलमा ३ किलोमिटरको धावनमाग ट्याक्सी वे एवंम् एप्रोनको सिभिल निर्माण तर्फको काम सम्पन्न भएको संस्कृति पर्यटन तथा नागरीक उड्यन मन्त्रालयले जनाएको छ । ती सबै संरचनामा विद्युत जडानको काम भैरहेको छ । अन्तर्राष्ट्रिय टर्मिनल भवन, प्रशासनिक भवन, अग्नि निवारण भवन एवम् कन्ट्रोल टावर सम्वन्धि काम समेत सकिएको मन्त्रालयले जनाएको छ । अन्य पूर्वाधारका कामहरु निर्माणधिन रहेको आयोजनाको वित्तिय प्रगति ६३ प्रतिशत भएको पाईएको छ । चीनको नर्थवेस्ट सिभिल एभिएसन एयरपोर्ट कन्ट्रक्सन समुह र अर्नोटिकल रेडियो अफ थाईल्याण्डले विमानस्थल निर्माणको काम गरीरहेका छन् ।
केही तस्विरहरु..

तस्विरः राजेन्द्र श्रेष्ठको सहयोगमा