बागलुङ – नेपाल कम्युनिष्ट पार्टी एकिकृत समाजबादी बागलुङको पहिलो बैठक शनिबारदेखि सुरु भएको छ । शितल पार्टी प्यालेसको सभाहलमा सुरु भएको बैठकमा जिल्ला अध्यक्ष लालबहादुर थापाले प्रस्तुत गरेका सांगठनिक तथा आर्थिक प्रस्तावमा छलफल सुरु भएको जिल्ला सदस्य शालिग्राम शर्माले बताए ।
बैठकले जिल्ला भेलाको समिक्षा गरेको छ । भेलामा सहभागि अतिथी तथा कार्यकर्तालाई धन्यवाद ज्ञापन गर्दै नयाँ उर्जा भेलाले दिएको बैठकको निस्कर्ष छ । बैठकले गठन गरेको सचिवालयका बिषयमा आइतबार पत्रकार सम्मेलन गरेर जानकारी गराईने शर्माले बताए ।
भूगोल, विभाग तथा फाँटहरुको गठन सम्बन्धि छलफल भएको छ । पार्टीमा लेवी संकलनको बिषयमा छलफल भएको जिल्ला अध्यक्ष थापाले बताए । आर्थिक प्रतिवेदन र आगामी कार्यक्रम तथा संगठन बिस्तार योजनाका बिषयमा बैठकमा छलफल भएको बताईएको छ ।
