पोखरा/ भारतीय सैनिक गोर्खा ब्रिगेड (पोखरा)का टोलीहरुबीच ह्याण्डबल प्रतियोगिता हुने भएको छ । गोर्खा ब्रिगेड र कास्की जिल्ला ह्याण्डबल संघको संयुक्त आयोजनामा हुने प्रतियोगितामा ५० वर्षमाथिका खेलाडी सम्मिलित १० टिमको सहभागिता रहने गोर्खा ब्रिगेड पोखरामा अध्यक्ष तथा पूर्वकर्नेल कृष्णबहादुर क्षेत्रीले जनाए । प्रतियोगिता चैत २८ देखि ३० गतेसम्म पोखरा रंगशालामा हुनेछ । प्रतियोगितामा उपाधि विजेताले नगद १० र उपविजेताले नगद ५ हजारका साथमा ट्रफी, मेडल र प्रमाणपत्र प्राप्त गर्नेछन् ।
