बागलुङ /नेपाल अडिटर्स एशोसियसन (अडान) बागलुङले आफ्नो स्थापना दिवसमा बटुकहरुलाई खाद्यान्न वितरण गरेर मनाएको छ । बागलुङ नगरपालिका–४ कुँडुले फेदीमा रहेको मुक्तिनाथ वेद विद्याश्रमका बटुकहरुका लागि खाद्यान्न वितरण गरिएको हो ।
आफ्नो १८ औं स्थापना दिवसका अवसरमा विद्याश्रम पुगेका समितिका पदाधिकारी तथा सदस्यहरुले दश हजार बरावरको खाद्यान्न सहयोग गरेका थिए । आश्रममा आवश्यकताका आधारमा खाद्यान्न खरिद गरेर उपलव्ध गराईएको अडान बागलुङका सचिव रामकृष्ण सापकोटाले बताए ।
यसअघि पनि अडानले बिभिन्न रचनात्मक कार्यक्रमहरु गर्दै आफ्नो स्थापना दिवस मनाउने गरेको थियो । खाद्यान्न वितरण कार्यक्रममा संस्थाका अध्यक्ष महादेव सापकोटा, ऋषि प्रपन्नाचार्य लगायतले बोलेका थिए ।
