पोखरा/‘मेरो सम्पत्ति भनेकै यही हो, कसरी हुन्छ यसलाई बचाइदिनुहोस । मलाई अरु केहि चाहिँदैन…’, कास्कीकी प्रमुख जिल्ला अधिकारी रुद्रादेवी शर्माँसगै लक्ष्मण नेपालीको आमाले भावुक भएर भनिन् ।

जेनजी प्रदर्शनको बिहीबार एक महिना पुग्यो । त्यही आन्दोलनमा गोली लागेका लक्ष्मण नेपाली बोल्न सक्दैनन, घाँटीदेखि तलको शरीरमा हलचल छैन । स्वरसमेत भासिएको छ । भेन्टिलेटरमा उपचाररत १८ वर्षीय नेपालीको अवस्थाबारे गत सोमबार प्रमुख जिल्ला अधिकारीसहितको सुरक्षा निकाय र जेनजी टोलीले भेटेका थिए । जहाँ चिकित्सकले गोलीले मेरुदण्डमा असर गरेका कारण शरीर दीर्घकालीन रुपमा पनि यही अवस्थामा रहन सक्ने बताए । उनै लक्ष्मणकी आमाले छोराको अवस्थाबारे बिलौना गर्दै थप उपचारको लागि काठमाडौं लगिदिन आग्रह गरेकी थिइन् ।

नेपालीलाई बिहीबार नेपाली सेनाको हेलिकप्टरमार्फत् थप उपचारको लागि काठमाडौंस्थित टिचिङ अस्पताल रिफर गरिएको छ । भदौ २३ गतेको प्रदर्शनमा गोली लागेर १९ जनाको निधन भइसकेपछि भोलिपल्टको आन्दोलनले हिंसात्मक रुप लिएको थियो । पोखरामा सरकारी कार्यालयदेखि व्यवसायीका घर र व्यापारिक प्रतिष्ठान निशानामा परे ।

प्रदर्शनकारीले हेभी इक्विपमेन्ट विभाबाट डोजर, रोलर झिकेर हिँडे ।रातिसम्म नै लुटपाट र आगजनी चलिरह्यो । त्यसकै निशानामा कास्की प्रहरीको कार्यालय पनि प¥यो । रातको करिब ९ बजेतिर प्रदर्शनकारीले जिल्ला प्रहरी कार्यालयमा आगजनी ग¥यो । बर्दीहरु लुटिए । त्यसभन्दा अगाडि प्रहरीले कार्यालय जोगाउनको लागि प्रदर्शनकारीको सामना गरिरहेको थियो । सोही क्रममा गोली चलाउँदा लक्ष्मण घाइते भएका हुन् । भदौ २४ को राति जिल्ला प्रहरी कार्यालय जलाउन जाँदा आगलागीमा परेर घाइते बनेका विजय लामाको भने निधन भइसकेको छ ।प्रहरीको गोलीले घाइते बनेका लक्ष्मणलाई एम्बुलेसन्बाट पोखरा स्वास्थ्य विज्ञान प्रतिष्ठान मातहतको पश्चिमाञ्चल क्षेत्रीय अस्पताल पु¥याइएको थियो ।घाँटीको पछाडिबाट लागेको गोली अर्को ठाउँमा गएर अड्किएको थियो । तत्काल शल्यक्रिया सम्भव नभएका कारण भदौ २९ गतेमात्र गोली झिकिएको थियो । शल्यक्रियापछि पनि उनको शरीर सुधारोन्मुख नभइ स्थिर रहेको थियो ।

आइसीयूमा नै एक महिनासम्म उपचाररत रहेको नेपालीको अवस्थाबारे जिल्ला प्रशासनसहितको सुरक्षा टोलीले जानकारी लिएको थियो । सोही क्रममा रोदनसहित छोरालाई बचाइदिन भन्दै लक्ष्मणकी आमा भाव विह्वल बनेकी थिइन् ।कास्कीको मादी स्थायी घर भएतापनि उनीहरु पोखरा १३ मा बस्दै आएका थिए । नेपालीको घरको आर्थिक अवस्था बलियो छैन । आमाले नै मेलापात र ज्याला गरेर छोराछोरी हुर्काएकी थिइन् ।कक्षा ११ मा पढ्ने लक्ष्मण साथीहरुसँग नै प्रदर्शनमा सामेल भएका थिए ।