बागलुङ/चैतेदशैं मेलाको अवसरमा यहाँ आयोजित खुला पुरुष भलिबल प्रतियोगितामा घले हार्वेस्टिङ अष्टे«लिया सेमीफाइनल प्रवेश गरेको छ ।
बिहिबार भएको पहिलो क्वाटरफाइनल खेलमा घले हार्वेष्टिङले बागलुङको भीमापोखरा खेलकुद विकास समितिलाई सोझो तीन सेटमा पराजित गरेर सेमीफाइनल यात्रा तय गरेको हो । बिहिबार भएको खेलमा घलेले २५–१०, २५–१४ र २७–२५ अंकले जित निकालेको हो ।
त्यसअघि बागलुङ कालीका उद्यानमा भएको खेलमा गौडाकोट युथ क्लबलाई पराजित गरेर रायडाँडा खेलकुद विकास समिति क्वाटरफाइनल प्रवेश गरेको छ । रायडाँडाले गौंडाकोटमाथि २६–२४, २६–२४, १८–२५ र २५–१४ को सेटमा जित निकालेको हो । रायडाँडाले सेमीफाइनल यात्राका लागि बागलुङ नगर खेलकुद विकास समितिसँग खेल्नेछ ।
लिक कम नकआउटमा खेलाइएको खेल जित्नेले ३ लाख नगद पुरस्कार पाउने आयोजक कालीका भगवती गुठी व्यवस्थापन समितिका अध्यक्ष भूपेन्द्र खड्काले जानकारी दिए । पुरुष भलिबलमा ८ टिम सहभागि छन् । खेल शनिबारसम्म चल्ने छ ।
