काठमाडौं/आईसीसी विश्वकप लिग–२ अन्तर्गतको खेलमा नेपालले अमेरिकालाई १ सय २२ रनले हराएको छ । ३ सय १८ रनको लक्ष्य पछ्याएको अमेरिकालाई नेपालले ४१ ओभर २ बलमा अलआउट गर्दै १ सय २२ रनको सानदार जित निकालेको हो ।
शुक्रबार कीर्तिपुरस्थिति त्रिवि मैदानमा टस जितेर पहिला बलिङ गरेको अमेरिकाविरुद्ध नेपालले पूरै ५० ओभर खेल्दै आठ विकेटको क्षतिमा ३ सय १७ रन बनाएको थियो । नेपालका लागि उपकप्तान दीपेन्द्रसिंह ऐरी र इशान पाण्डेले अर्धशतक बनाए ।
लिग–२ को तालिकामा अमेरिका ३८ अंकसहित शीर्ष स्थानमा छ । समान २८ खेल खेलेको नेपाल २४ अंकसहित पाँचौ स्थानमा कायम छ ।
