पोखरा/पोखरा महानगरपालिका वडा नं ३० पावरहाउस मुसेटुँडामा असार १३ गतेदेखि रामजी बादल मेमोरियल ट्रष्टको आयोजनामा भएको बादल मेमोरियल फुटबलको उपाधि पोखराको रामघाट एफसी सेतोले जितेको छ ।
रामघाट एफ सी रातोलाई ५का विरुद्व ६ गोल गर्दै उसले उपाधि जितेको हो । उपाधिसँगै रामघाट एफ सीले रु १ लाख ११ हजार १ सय ११ रुपैया नगद नगद सहित शिल्ड,मेडल र प्रमाणपत्र हात पार्न सफल भयो । उपविजेता रामघाट एफसी सेतोले ६६ हजार ६ सय ६६ नगद सहित शिल्ड,मेडल र प्रमाणपत्र हात पार्न सफल भयो ।
फुटबलमा गगनगौंडा युवा क्लबले अनुशासित टिमको पुरस्कार,सर्वोत्कृष्ट खेलाडीतर्फ रामघाट एफसी सेतोका अंकित गुरुङ,सर्वाधिक गोलकर्ता रामघाट एफ सी सेतोका सुजन गुरुङ,गोल रक्षक पदम लोप्चनलाई जनही ५ हजारका दरले पुरस्कृत गरिएको थियो ।
