बागलुङ, २० फागुन – हिन्दूहरुको चाड शिवरात्रिलाई लक्षित गरी गायिका तथा रचनाकार ज्योति खतिवडाले शिव भजन बजारमा ल्याएकी छन्। भजनको शब्द, संगीत र स्वर ज्योतिकै रहेको छ। सरस्वती खतिवडा निर्माता रहेको भजनको संगीत सम्पादन तथा संयोजन जीवन बडुले गरेका छन्। भजनको भिडियोको छायाकनमा विपिन श्रीवास्तव र सम्पादन किरण शाहीले गरेका छन्। भिडियोको निर्देशन समीर जोशीले गरेका छन्। ज्योतिले यथार्थवादी तथा उत्प्रेरक गीत गाउने गरेकी छन्। यसअघि उनले वाचा गर नामक गीतको भिडियो बजारमा ल्याइसकेकी छन्।