पोखरा ,५ बैशाख -पोखराको नदीपुर स्थित प्रदेशसभा भवन नजिकै भेटिएको शंकास्पद बस्तु डिस्पोजल गर्ने क्रममा नेपाली सेनाका जवान घाइते भएका छन । डिस्पोज गर्ने क्रममा डिस्पोजल टोलिका सदस्य कालिभञ्जन गण रत्नमन्दिरका नायक धर्मबहादुर थापा घाइते भएका हुन ।उनको हातका औलाहरु चुडिएका छन् । सडकमा कागजको डल्लो बेरेर राखेको अवस्थामा डेटोनेटर भेटिएको थियो । उनको हातमा चोट लागेको कास्की प्रहरीका प्रबक्ता डिएसपी रवीन्द्रमान गुरुङले जानकारी दिए ।
