फ्रान्स फिल्म फेस्टिभल २०१९’ को रेड कार्पेट समारोहमा सहभागी हुन नायिका प्रियंका कार्की फ्रान्स जाने भएकी छन्। प्रियंका नेपालको प्रतिनिधित्व गर्दै जेठ ६ देखि १० गतेसम्म हुने फेस्टिभलमा सहभागी हुनेछिन्। प्रियंकाले दिएको जानकारी अनुसार उनको फेस्टिभलमा चार वटा इभेन्टमा सहभागीता रहनेछ।
फेस्टिभलबारे जानकारी दिँदै सामाजिक संजाल फेसबुकमार्फत प्रियंकाले नेपालको प्रतिनिधित्व गर्दै कान्स फिल्म फेस्टिभलमा रेड कार्पेटमा हिँड्न पाउनु आफ्नो सौभाग्य भएको बताएकी छन्। उनी भन्छिन्, ‘यो मेरो सपना पनि थियो, मैले आफैलाई एक दिन भनेकी थिएँ र अहिले त्यो दिन मसँग छ।’
