पोखरा,८ असोज -पोखरा महानगरपालिका- २२ खाल्से चिसापानी स्थित रहेको फुस्रे खोलामा मंगलवार पौडी खेल्ने क्रममा डुबेर युवतिको ज्यान गएको छ । मृत्यु हुनेमा काभ्रेपलाञ्चोकको धुलिखेल नगरपालिका घर भई पोखरा घुम्न आएकी वर्ष २५ कि अनु भण्डारी रहेको प्रहरीले जनाएको छ । खोलामा पौडी खेल्ने क्रममा भण्डारी र उनीसंगै घुम्न आएकी पनौती नगरपालिकाकी भावना बस्नेत डुबेर बेपत्ता भएका थिए । भावनालाई प्रहरीले घाइते अवस्थामा उद्दार गरेको र भण्डारी मृत अवस्थामा फेला परेको प्रहरीले जनाएको छ । घाइते बस्नेतको नमस्ते अस्पताल विरौटामा उपचार भइरहेको छ ।