बागलुङ, १२ जेठ– प्राथमिक स्वास्थ्य केन्द्र बुर्तिवाङको आइसोलेसनमा उपचार गराइरहेका एक पुरुषको मृत्यु भएको छ । ढोरपाटन नगरपालिका वडा नं. २ का ७९ बर्षका ती पुरुषको कोरोना संक्रमणबाट मृत्यु भएको हो ।
बुधवार दिउसो ती पुरुषको मृत्यु भएको स्वास्थ्य कार्यालय बागलुङका कोभिड फोकल पर्सन देवप्रकाश घिमिरेले बताए । सात दिनदेखि कोरोना संग मिल्दोजुल्दो लक्षण देखिएपछि उनी उपचार गराइरहेका थिए । पुरुषको मंगलबार मात्रै संक्रमण पुष्टी भएको थियो ।
बुर्तिवाङमा अहिले पनि घरघरमा संक्रमित रहेको बताइएको छ । कतिपयको पीसीआर भएको छ भने धेरैको परीक्षण हुन नसकेको केन्द्रका प्रमुख डा. मिलन मल्लले बताए । अहिलेपनि केन्द्रमा ७ जना आइसोलेसनमा र ३ जना इमरजेन्सीमा उपचार गराइ रहेको मल्लले जानकारी दिए ।