कोरोना संक्रमित शवलाई जलाउदै ।
फाईल तस्विर
बागलुङ, १५ जेठ – बागलुङको गलकोटमा होम आईसोलेसनबाट अस्पताल लैजाँदै गर्दा एक संक्रमित पुरुषको बाटोमा मृत्यु भएको छ । गलकोट नगरपालिका–२ का ९१ बर्षिया संक्रमित पुरुषको शनिवार बिहान मृत्यु भएको स्वास्थ्य कार्यालय बागलुङका कोभिड फोकल पर्सन देवप्रकाश घिमिरेले बताए । जेठ ८ गते एन्टिजीन परीक्षण गर्दा उनलाई संक्रमण भएको पुष्टि भएको थियो । होमआईसोलेसनमै रहेका ती पुरुषको अक्सिजनको मात्रा घटेपछि अस्पताल पु¥याईंदै थियो । कोभिड निमोनिया लगायतका समस्याका कारण उनको मृत्यु भएको घिमिरेले बताए ।
