बागलुङ, १२ असार– धौलागिरी अस्पताल बागलुङमा शुक्रबार साँझ कोरोना संक्रमित एक महिलाको मृत्यु भएको छ । बागलुङ नगरपालिका–४ घर भएकी ७३ बर्षिया महिलाको सघन उपचार कक्षमा उपचारका क्रममा मृत्यु भएको स्वास्थ्य कार्यालय बागलुङका कोभिड स्रोतव्यक्ति देवप्रकाश घिमिरेले बताए । उनलाई कोरोना र निमोनियाको समस्या थियो । कोरोना संक्रमण पुष्टि भएपछि जेठ ३० गते उनलाई अस्पताल ल्याईएको थियो । अक्सिजनको मात्रा कम भएर समस्या भएकी उनलाई सघन उपचार कक्षमा राखेर १२ दिनसम्म उपचार गरिएको थियो । बागलुङमा कोरोना संक्रमणका कारण मृत्यु हुनेको संख्या ५३ पुगेको छ ।