बागलुङ/ बागलुङको ढोरपाटन नगरपालिका–४ बाट भालुको पित्तसहित एक जना पक्राउ परेका छन् । ढोरपाटन नगरपालिका– ४ हुन्द्रफेदीमा बस्दै आएका ४० वर्षिय चित्र बहादुर शेरवुर्जालाई भालुको पित्तसहित प्रहरीले रंगेहात पक्राउ गरेको हो ।
सुराकीको आधारमा खानतलासी गर्दा उनी पक्राउ परेको ईलाका प्रहरी कार्यलय बुर्तिबाङका प्रहरी निरिक्षक जयराम वन्तले बताए । दुर्लभ बन्यजन्तु भालुको पित्तको अबैध कारोबार भई रहेको भन्ने बिशेष सुचना प्रहरीलाई प्राप्त भएको थियो । हिजो साँझ ५ बजे प्रहरी हुन्द्रफेदी पुगेको र लुकाई राखेको भालुको पित्तसहित शेरवुर्जालाई पक्राउ गरिएको प्रहरी निरिक्षक वन्तले जानकारी दिए ।
दुर्लभ बन्य जन्तु भालुको पित्त (करिव १८ ग्राम) सहित पक्राउ परेका शेरवुर्जालाई इलाका प्रहरी कार्यालय बुर्तिबाङले जिल्ला प्रहरी कार्यालय बागलुङ पठाएको छ । आवश्यक अनुसन्धानका लागि जिल्ला पठाइएको प्रहरी निरीक्षक वन्तको भनाई छ ।
