नवलपुर / देवचुली नगरपालिका-८ मुन्डेमा ग१ज ३२७० नम्बरको जीप दुर्घटना हुँदा छ जनाको मृत्यु भएको छ। बुलिंटार पहाडि क्षेत्रबाट दलदले आउँदै गरेको जीप देवचुली-८ मुन्डे एस मोडमा एक्कासि घरमा ठोक्किन पुगेको थियो।
दुर्घटनामा परी तीन महिला र तीन पुरुषको निधन भएको छ भने एक पुरुष गम्भीर घाइते भएका छन्। जीप ३ महिला र ४ पुरुष सवार थिए। दुर्घटना आज बिहान ११:३० बजेतिर भएको हो।
दुर्घटनामा मृत्यु हुनेमा बौदीकाली-६ का २९ वर्षीय जीप चालक बहादुर आलेमगर, कुमारी रानामगर, टेकमान वानटकी मगर र बुलिंटार गाउँपालिकाकी १२ वर्षीया करिश्मा ठाडा रहेका छन् ।
अन्य २ जनाको आइतबार अवेरसम्म सनाखत हुन नसकेको जिल्ला प्रहरी कार्यालय नवलपुरका डिएसपी वेदबहादुर पौडेलले बताए। गम्भीर घाइतेको उपचारको लागि चितवनतर्फ पठाइएको छ।
